രാഷ്ട്രീയം

കടുത്തുരുത്തി: സിപിഎമിന്റെ കൊലപാതക രാഷ്ട്രിയം അവസാനിപ്പിക്കണമെന്ന് മോന്‍സ് ജോസഫ് എം എല്‍ എ. സിപിഎംന്റെ കൊലപാതക, അക്രമ രാഷ്ട്രീയം സ്വന്തം ഘടകക്ഷികള്‍ പോലും അംഗികരിക്കുന്നില്ല; പ്രബുന്ധരായ കേരളജനത ഒരിക്കലും കൊലപാതക രാഷ്ട്രീയം അംഗീകരിക്കില്ലെന്നും ഇതിനെതിരെ പ്രതികരിക്കുമെന്നും മോന്‍സ് ജോസഫ് പറഞ്ഞു. സിപിഎം കൊലപാതക രാഷ്ട്രീയത്തിനും അക്രമങ്ങള്‍ക്കുമെതിരെ യൂഡിഎഫ് സംസ്ഥാന കമ്മിറ്റിയുടെ ആഹ്വാനപ്രകാരം കടുത്തുരുത്തി നിയോജകമണ്ഡലം കമ്മിറ്റിയുടെ ആഭിമുഖ്യത്തില്‍ സെന്‍ട്രല്‍ ജംഗ്ഷനില്‍ നടത്തിയ സായാഹ്നധര്‍ണ ഉദ്ഘാടനം ചെയ്ത് പ്രസംഗിക്കുകയായിരുന്നു അദേഹം. എം.

കടുത്തുരുത്തി:യൂത്ത് കോണ്‍ഗ്രസ് സംസ്ഥാന പ്രസിഡന്റ് പി.സി. വിഷ്ണുനാഥ് എം.എല്‍.എ. നയിക്കുന്ന യുവജന ജാഥയ്ക്ക് കുറവിലങ്ങാട്ട് മെയ് 2 ന് 3 മണിക്ക് സ്വീകരണം നല്‍കും. ജില്ലാ കോണ്‍ഗ്രസ് കമ്മിറ്റി പ്രസിഡന്റ് കുര്യന്‍ ജോയി ഉദ്ഘാടനം ചെയ്യും. നിയോജക മണ്ഡലം പ്രസിഡന്റ് ബിനോയി ചെറിയാന്‍ അധ്യക്ഷനാകും

ഒരു കലാകാരന്‍ അന്ഗീകരിക്ക പെടണമെങ്കില്‍ അദ്ദേഹം മരണശയ്യയിലോ അല്ലെങ്കില്‍ മരിക്കുക തന്നെ വേണമെന്ന് തോന്നിപ്പോകും ശ്രീ ജോസ് പ്രകാശിന് കിട്ടിയ അവാര്‍ഡിനെ കുറിച്ച് പറഞ്ഞാല്‍.എന്ത് കൊണ്ടാണ് അദ്ദേഹത്തെ ആദരിക്കുവാന്‍ സാംസ്കാരിക കേരളം മറന്നു പോയത്?ജോസ് പ്രകാശ് എന്ന വലിയ നടന്‍ തന്റെ എണ്‍പത്താറാം വയസ്സില്‍ മരിക്കുമ്പോള്‍ അതൊരു കാലംതെറ്റിയ മരണമാണെന്നോ മരണമെന്ന രംഗബോധമില്ലാത്ത കോമാളി അനൌചിത്യം കാട്ടിയെന്നോ പറയാനാവില്ല. അദ്ദേഹം തന്റെ കാലത്തെയും ജീവിതത്തെയും സമ്പന്നമാക്കി, സമ്പൂര്‍ണമാക്കി. അരനൂറ്റാണ്ടോളം മലയാളസിനിമയില്‍ നായകനും ഗായകനും വില്ലനും സ്വഭാവനടനുമായി തിളങ്ങിയും വിളങ്ങിയും നിന്നു.

കുറുപ്പന്തറ: ടൗണ്‍ വാര്‍ഡ് കോണ്‍ഗ്രസ് ഭാരവാഹികളെ തെരഞ്ഞെടുത്തു. റോയി ജോസഫ്-പ്രസിഡന്റ്, എ. കെ.സോമന്‍-വൈസ് പ്രസിഡന്റ്, ടോമി തേറമ്പില്‍, ബിജോയി തേറമ്പില്‍-ജോ.സെക്രട്ടറിമാര്‍, ജോയി മണ്ടപത്തില്‍-ട്രഷറര്‍ എന്നിവരാണ് തെരഞ്ഞെടുക്കപെട്ടത്. മണ്ഡലം പ്രസിഡന്റ് ലൂക്കോസ് മാക്കീല്‍ അധ്യക്ഷത വഹിച്ചു. ബ്ലോക്ക് പ്രസിഡന്റ് വി. എം.പോള്‍, സുനു ജോര്‍ജ് എന്നിവര്‍ പ്രസംഗിച്ചു.

കുറുപ്പന്തറ : ഓട്ടോ - ടാക്‌സി വര്‍ക്കേഴ്‌സ് യൂണിയന്‍ സി ഐ ടി യു മാഞ്ഞൂര്‍ മേഖലാ സമ്മേളനവും ഐഡന്ററ്റി കാര്‍ഡ് വിതരണവും കുറുപ്പന്തറയില്‍ നടന്നു. പി ജി രാധാകൃഷ്ണന്‍ അധ്യക്ഷത വഹിച്ചു. സി എല്‍ രാജന്‍, പി വി സുനില്‍, സി ജെ ജോസഫ്, ടി ആര്‍ രഘുനാഥ്, കെ വി സന്തോഷ്‌കുമാര്‍, എല്‍ എസ് രാജൂ, ബെന്നിജോസഫ്, കെ വി സത്യന്‍ എന്നിവര്‍ പ്രസംഗിച്ചു

മാഞ്ഞൂര്‍: മാഞ്ഞൂര്‍ പഞ്ചായത്ത് പത്താം വാര്‍ഡിലെ കുടുംബശ്രീ എഡിഎസ് ചെയര്‍പേഴ്‌സണ്‍ തെരഞ്ഞെടുപ്പ് യുഡിഎഫ് അട്ടിമറിച്ചതായി എല്‍ ഡി ഫ്. എഡിഎസമാരായി തെരഞ്ഞെടുക്കപ്പെട്ടവരില്‍ ഭൂരിപക്ഷം പേരും നാമനിര്‍ദ്ദേശം നല്‍കി പിന്തുണ നല്‍കിയ ആളെ ഒഴിവാക്കി പിന്തുണയില്ലാത്തയാളെ ചെയര്‍പേഴ്‌സണ്‍ ആക്കുകയായിരുന്നു. തെരഞ്ഞെടുപ്പു നിരീക്ഷകയായി വന്ന ഐശ്വര്യ സൂപ്പര്‍വൈസര്‍ അട്ടിമറിയ്ക്കു കൂട്ടുനിന്നതായും ആക്ഷേപം ഉയര്‍ന്നു. കുടുംബശ്രീയെ രാഷ്ട്രീയവത്കരിക്കാനുള്ള യുഡിഎഫ് നീക്കത്തില്‍ വ്യാപകമായി പ്രതിഷേധം ഉയര്‍ന്നു കഴിഞ്ഞു.

കുറുപ്പന്തറ : ജംഗ്ഷനില്‍ സ്ഥാപിച്ചിരുന്ന എന്‍സിപിയുടെ കൊടിയും കൊടിമരവും സാമൂഹിക വിരുദ്ധര്‍ നശിപ്പിച്ച സംഭവത്തില്‍ എന്‍സിപി നിയോജക മണ്ഡലം കമ്മിറ്റി പ്രതിഷേധിച്ചു. മണ്ഡലം പ്രസിഡന്റ് കെ.എന്‍. തങ്കപ്പന്‍ അധ്യക്ഷത വഹിച്ചു. ടോമി കുടിലില്‍, കെ.ആര്‍. ഷാജിക്കുട്ടന്‍, കെ.ടി. മുരളി എന്നിവര്‍ പ്രസംഗിച്ചു.

കുറുപ്പന്തറ: മേമ്മുറി, മാന്‍വെട്ടം പ്രദേശങ്ങളില്‍ കട്ടന്‍സ് മേഖലയില്‍ പണിയെടുക്കുന്ന ( റബര്‍ തടി വെട്ടുന്നവര്‍) തൊഴിലാളികള്‍ ഐഎന്‍ടിയുസിയില്‍ ചേര്‍ന്ന് പ്രവര്‍ത്തിക്കാന്‍ തീരുമാനിച്ചു. ഇതോടുനുബന്ധിച്ചു കുറുപ്പന്തറ കടവ് മൈതാനിയില്‍ നടന്ന പൊതുസമ്മേളനത്തില്‍ ടിംബര്‍ വര്‍ക്കേഴ്‌സ് യൂണിയന്‍ മേമ്മുറി യൂണിറ്റിന്റെ ഉദ്ഘാടനം ടി. എന്‍.രമേശന്‍ നിര്‍വഹിച്ചു. ജോണ്‍ പി.ജോസഫ്, കെ. കെ.രാമഭദ്രന്‍, കെ. എസ്.രത്‌നാകരന്‍, ഡിയരഞ്ജിത്ത്കുമാര്‍, ജെയിംസ് തോമസ്, കെ. ജെ.ജോയിമോന്‍, ജോയി താനപ്പനാല്‍, റോയി പൂത്തേത്തുപറമ്പില്‍, എം. കെ.സോമന്‍, ടി. പി.ബാലകൃഷ്ണന്‍, സാബു പാറക്കാല എന്നിവര്‍ പ്രസംഗിച്ചു.

കുറുപ്പന്തറ: കേരളായൂത്ത് ഫ്രണ്ട് എം കോട്ടയം ജില്ലാപ്രസിഡന്റ് സജി മഞ്ഞക്കടമ്പില്‍ നയിക്കുന്ന വികസനസന്ദേശയാത്ര ഇന്ന് കടുത്തുരുത്തി നിയോജകമണ്ഡലത്തില്‍ പര്യടനം നടത്തും. ഉച്ചയ്ക്ക് രണ്ടിന് കുറുപ്പന്തറയില്‍ നിന്നാരംഭിക്കുന്ന പദയാത്ര കടുത്തുരുത്തി ബ്ലോക്ക് പഞ്ചായത്ത് പ്രസിഡന്റും കേരളാ കോണ്‍ഗ്രസ് നിയോജകമണ്ഡലം പ്രസിഡന്റുമായ സഖറിയാസ് കുതിരവേലി ഫ്‌ളാഗ് ഓഫ് ചെയ്യും. കാണക്കാരിയില്‍ വൈകുന്നേരം 5.30ന് സമാപിക്കുന്ന പദയാത്രയെത്തുടര്‍ന്ന് നടക്കുന്ന സമ്മേളനം മോന്‍സ് ജോസഫ് എംഎല്‍എ ഉദ്ഘാടനം ചെയ്യും. ടോമി ഓമല്ലൂകാരന്‍ അധ്യക്ഷത വഹിക്കുന്ന യോഗത്തില്‍ അഡ്വ.ജോബ് മൈക്കിള്‍ മുഖ്യപ്രഭാഷണം നടത്തും.